إشتقت لك شوق فاق الشوق يا شوقي
شوقٍ شقا روح ( زود الشوق ) مشقيها

شوقٍ دمى له دمي ذا دام بعروقــي
وأدمى جروحاً قــدام الغدر مدميهـا

ذقت الهوى ذوق متذوق على ذوقــي
واليوم عيـني عنــا بعدك معنيهــا



هو قلبي إنساق وإلا ساقه السوقـي ؟؟
وإلا الكبد ما سقاها سـقي مسقيها؟؟

لي عشق عاشق (وشاقّ الوصل) معشوقي
ولي أنف نائف على النوفـا ومن فيهـا

نصفين أنا(نصف صاف)و(نصف مسروقي)
وبقـي لي أنفاس مدري ويش مبقيهـا

آسـابق الوقـت ســبّاقٍ ومسـبوقي
وأرجي غلا من غلاها (عـزّ مغليهـا)

شفق شـفا شوفهـا شفّـاي لشفوقـي
والعين شفقـا تشوّف شوف مشفيهـا

يوم أشرقت كان شـرقي فاقد شروقـي
فأشرق بظلما غروبي شرق مشعيهـا

فإن كان ما ريقها ريّق مع ريوقـــي
فـلا المراقـي تروق برقي مرقيهــا

[color=red]الشوق طاغى والمشاعر رقيقة

والحب مرة باعنى واشترانى!

يافرحة القلب الحزين ورفيقة

فديت صوتك يوم صوتك دعانى

ياعمرى لامن بغيت الحقيقة

الواقع اللى جابنى لك دعانى

البعد لو اقدر اعيشة واطيقة

ما شفتنى قدام وجهك اعانى

مالى طريقة وانت مالك طريقة

الا القصايد والسهر والامانى

لو احسب ايامى معك بالدقيقة

ياصاحبى تزعل على الثوانى

يوم القدر يرسم على الوجة ضيقة

انت البشاير بالفرح والتهانى

ويوم المراكب والبحور الغريقة

انت الشراع وطارى اسمك موانى

الورد ماينسى شذاة ورحيقة

قل للغلا وش حجتة لا نسانى؟!

قيدت نفسى والنوايا طليقة

عسانى اسلم من اعيونك عسانى

لازلت احبك والمشاعر رقيقة

والحب ليتة باعنى ما شرانى[/color